في الأيام دي، الكل بيدور على طرق يطبخ بيها أكلات اقتصادية لا تزيد عن ٣٠٠ جنيه، وتكون مشبعة، لذيذة، وسهلة التحضير. ممكن تجربى تعملى وجبات مميزة في البيت بأقل التكاليف وتكون لذيذة ومفيدة وصحية؟ النهاردة هنشارك معاك أفكار لغداء اقتصادي ومُرضي لكل أفراد العيلة!
الأكل البيتي أوفر ؟!
تحكم كامل في المكونات، يعني مش هتحط أي حاجة مضرة.أرخص بكتير من الأكل الجاهز، بميزانية بسيطة هتعمل أكل يكفي يومين كمان.نكهة مميزة وطازجة، الأكل في البيت دايماً بيكون أحلى من أي وجبة سريعة.وجبات صحية متكاملة، بدون دهون زيادة أو مكونات مجهولة المصدر.
أفكار غداء لذيذة لا تزيد عن ٣٠٠ جنيه
كشري بيتي بطعم المطاعم
الكشري مش بس أكلة لذيذة هو كمان أكلة غنية بالبروتين، مشبعة جدًا، وتكلفتها بسيطة. كل اللي هتحتاجه عدس، أرز، مكرونة، صلصة طماطم، وحمص، وكم بصلة محمرة على الوش. الطبق ده مش بيكلف كتير، لكنه بيشبع بطعم لا يقاوم!
صينية بطاطس بالفراخ
البطاطس من أرخص وألذ الخضار، ولما تدخل الفرن مع قطع الفراخ وتتغطى بالتوابل والطماطم، النتيجة بتكون ولا أروع. الوجبة دي مناسبة لو بتحب حاجة خفيفة وسهلة، وتكلفتها ما تتعداش الميزانية المطلوبة.
عدس بالشعرية.. أكلة الشتاء المثالية
شوربة العدس بتدفّي، مغذية، وتكلفتها لا تذكر. شوية عدس، شوية شعرية، بصل، وتوابل، وكل حاجة تبقى تمام! تقدم مع عيش محمص وشوية ليمون، وهتاكل أحلى طبق ممكن يخليك شبعان لساعات طويلة.
مكرونة بالوايت صوص مع مشروم أو فراخ
مش لازم تدفع كتيرعلشان تستمتع بطبق غني بالكريمة والمذاق الرائع. شوية دقيق، لبن، وزبدة هيعملوا لك الصوص الكريمي، ولو عندك مشروم أو فراخ، هيبقى عندك وجبة فاخرة بسعر أقل من أي مطعم.
مسقعة بالباذنجان.. الطعم الشرقي الأصيل
الباذنجان من الخضار الرخيص، ولما يتقلى ويتغطى بطبقة من الصلصة والثوم، هيطلع معاك طبق رائع يتاكل مع عيش بلدي. لو عايز تضيف قيمة غذائية، مسقعة بالحمص.. بروتين نباتي مميز، إضافة الحمص للمسقعة مش بس بتزود البروتين، لكنها بتضيف طعم جديد ومغذى. وممكن تعمليها بالجبنة الموراتزيلا أو باللحمة المفرومةكمان بتضيف طعم جديد ومغذي.
مسقعة دايت بدون قلي لو بتدورى على طريقة صحية، ممكن تستغنى عن القلي وتعمل المسقعة في الفرن قطعى الباذنجان شرائح، واشويه في الفرن بدل القلي،استخدم زيت زيتون خفيف في تحضير الصلصة، ضعى الباذنجان والصلصة في صينية وادخلها الفرن تتحمر..
نصائح لتوفير الفلوس في الأكل
- اشتري الخضار من الأسواق بدل السوبر ماركت، الأسعار هناك أوفر بكتير.
- بدل اللحوم الغالية، استخدم البروتين النباتي زي العدس، الفاصوليا، والحمص.
- لو عندك بقايا أكل من اليوم اللي فات، استخدمها في وجبة جديدة بدل ما ترميها.
- استغل العروض والتخفيضات، خصوصًا لما تكون ناوي تشتري حاجات تتخزن.
اختيارات تانية بميزانية محدودة
- محشي كرنب أو ورق عنب.. هيحتاج أرز وخضرة بس، وطعمه خطير.
- سمك مقلي مع أرز صيادية.. أرخص أنواع السمك هتديك وجبة غنية بالأوميجا ٣.
- بيض مسلوق مع بطاطس مهروسة.. سريع، مغذي، والكل يحبها مع خضار سوتيه.
- أرز مطبوخ مع كوسة، بسلة، وجزر هيعمل أكلة متكاملة.
مش لازم تصرف كتير علشان تأكل حاجة حلوة. بمجرد ما تشتري مكونات ذكية وتستخدم طرق طبخ اقتصادية، هتلاقي إنك تقدر تطبخ أكلات اقتصادية لا تزيد عن ٣٠٠ جنيه بكل سهولة. جرب الأفكار دي، وهتلاقي نفسك مش بس موفر فلوس، لكن كمان مستمتع بأكل صحي ولذيذ!
